هذه محاورة زجلية دارت بيني وبين بعض أصدقائي الكتاب الشعراء على صفحتي الشخصية على فيس بوك
فؤاد عرفة:
يا مصر يا جنتي ... ....يا وردي ومحبتي
حابب أنا بسمتي.... ... ترجعلي من تاني
محمد علي:
راح ترجع البسمة... تضوي مع اللمة
وإن طالت الأزمة ..... هنعود لها تاني
فؤاد عرفة:
أنا أصلي بالي طويل ...في حب مصر النيل
هاكتبلها مواويـــــــل ... الحب من تاني
محمد علي:
سهران أنا والليل.. ده الصبر آخره جميل
وحلاوته في التهليل.. عند الأدان التاني
فؤاد عرفة:
يا حبيبي يا سهران ... يمكن تكون حيران
في حب نيل وجيران ... اوصف كده تاني
كارم عبد الغفار:
وبستناك تغطيني.. وتبقى صلاح في حطيني
وتجني الورد من طيني.. وتاني تعلي من شاني..
إبراهيم عبد العليم:
أنا جايلك وشايل سيف.. وبالصلوات وبالمدنة
هرجع مجدي من تاني..
فؤاد عرفة:
أنا بطلك وأنا السياف ... ف حبك عمري يوم ما هخاف
وأرضك كل يوم تنشاف ... بتعلا وتعلا من تاني
ليست هناك تعليقات:
إرسال تعليق